गोड शिरा

सत्यनारायणाच्या पूजेचा शिरा सर्वांनाच आवडतो। तो एरवीही केला तरी चालतो फ़क्त प्रमाणामधे थोडा बदल केला तर तो प्रसादासारखा थोडा न खाता नाश्त्याला भरपूर खाता येइल ।

साहित्य
रवा-१ वाटी
दूध- अर्धी वाटी
पाणी- २ वाट्या
साखर- अर्धी ते पाउण वाटी
केळे-१ मध्यम आकाराचे पातळ चकत्या करुन
चिमूटभर मीठ.
तूप- ४ चमचे
बदाम, बेदाणे आवडीनुसार


कृति
प्रथम भांड्यात तुप थोड़े गरम झाल्यावर त्यात रवा घालावा आणि चांगला भाजून घ्यावा. मग त्यात केळयाच्या चकत्या घालाव्या। आणि त्या रव्यामध्ये पूर्ण एकजीव कराव्या । दूध आणि पाणी चागले गरम करावे आणि त्यात घालावे। झाकण ठेवून एक वाफ काढावी। बदामाचे कप आणि बेदाणे घालावे। साखर आणि चिमुटभर मीठ घालून मिक्स करावे.

केळयाऐवजी अननस घालूनही असाच शिरा करतात । तुपाचे आणि साखरेचे प्रमाण आवडीनुसार थोड़े वाढवले तरी चालते। केळे आणि अननसाच्या गोडीवर ते ठरवावे.