तिळगुळ घ्या गोड गोड बोला

मकर संक्रन्तिला तिळाचे लाडू आणि गूळपोळी हवीच.तिळाचे लाडू करण्यासाठी चिकिचा गूळ लागतो.तेसे तिळाचे लाडू करायला अगदी सोप्पे.बिघडण्याची शक्यता खूपच कमी.

साहित्य
तीळ-१/२ किलो
गूळ-१/२ किलो
शेंगदाणे-१/२ वाटी
डाळं-१/२ वाटी
सुके खोबरे-१/२ वाटी
आल्याचा रस किंवा सुंठ पावडर


कृती
तीळ चागले भाजून घ्यावेत.(तीळ खमंग भाजलेत की नाही हे ओळखण्यासाठी भाजलेले तीळ दातांखाली चावले की टचकन आवाज येतो.तीळ भाजल्यावर थोड़े फुगीर होतात आणि त्यांचा रंगही बदलतो.) जर तीळ नीट भाजले नाहीत तर लाडवांला खमंगपणा येत नाही.)
शेंगदाणे सुद्धा खमंग भाजून त्यांची साले काढून कुटून घ्यावेत.सुके खोबरे किसून घ्यावे.दाणे,डाळं आणि खोबर्याचा किस भाजलेल्या तिळात मिक्स करावा।
आले किसुन त्याचा रस काढावा.(१/२ किलो तिलाला १/४ -१/२ वाटी रस पुरतो)
सुंठ पावडर टाकायची झाल्यास १-२ चमचे घालावी
आले घातल्याने लाड़वाला चवही चांगली येते आणि आल्यामुळे पचनही चांगले होते.
एक भांड्यात गूळ घालून गरम करावा.गूळ पातळ होउन त्याला बुडबुडे यायला लागले की पाक तयार होतोय असे समजावे.सतत ढवळत रहावे.आल्याचा रस/सुंठ घालावा व पुन्हा ढवळावे. गैस मध्यम ठेवावा.एक वाटीत थोड़े पाणी एक वाटीत थोड़े पाणी घेउन त्यात टाकून बघावा. तो पसरला नाही पाहिजे. तो थेम्ब पाण्यातून काढून पुन्हा गोळी करून टाकला तर वाटीत टणकन आवाज येतो.असा आवाज आला तर पाक झाला असे समजावे.practice ने ते जमते.
मग त्यात तिळाचे मिश्रण घालावे.ढवळून गैस बंद करावा.
२ मिनिटानी मिश्रण एक परातीत किंवा ताटात काढून घ्यावे.हाताला तूप लावावे आणि थोड़े थोड़े मिश्रण हातावर घेउन लाडू वळावेत.