भरली राजेळी

राजेळी केळी चवीला खास असतात.त्यांचा एक वेगळाच स्वाद असतो.त्यामुळेच राजेळी केळयाचा हलवा किंवा भरली केळी ही चवीला वेगळी लागतात.

साहित्य
राजेळी केळी-२ ( थोड़ी पिकलेली असावीत)
खोवलेले ओले खोबरे-१ वाटी
साखर-अर्धी वाटी
ओल्या मिरच्या - १-२
आवडत असल्यास थोड़े जीरे, कोथिम्बिर, भाजलेली खसखस
तूप-२ चमचे

कृती
एक केळयाचे ३ -४ भाग करावे.प्रत्येक भागाला चार खाचा पाडाव्या .(भरल्या वांग्याला चिरतो तसे चिरावे).खोबरे,साखर,मिरची आणि थोडेसे मीठ नीट एकत्र करावे। त्यात आवडत असल्यास भाजलेली खसखस,जीरे,कोथिम्बिर घालावी.)हे सारण केळयाच्या भागात भरावे (भरली वांगी भरतो तशी)
एका पसरट भांड्यात तूप घालून त्यावर ही केळी अलगद आडवी ठेवावीत.गैस मंद ठेवावा.भांड्यावर झाकण ठेवावे आणि केळी शिजू द्यावीत. मधून झाकण काढून केळी परतावित.सर्व बाजूनी झाली की गैस बंद करावा.