सांजोरी

सांजोरी हा एक गोडाचा प्रकार आहे.यात पुरणाच्या ऐवजी सांजा किंवा शिरा घालतात.

साहित्य
बारीक़ रवा- १ वाटी
साजुक तूप-३-४ चमचे
दूध-१ वाटी
पाणी- १ वाटी
साखर-दीड वाटी
मीठ- पाव चमचा
वेलचीपुड- आवडीनुसार
केशर- पाव चमचा

कव्हर साठी
मैदा- दीड वाटी किंवा( मैदा आणि गव्हाचे पीठ प्रत्येकी पाऊण वाटी)
न तापवलेले(निरसे ) दूध-अर्धी वाटी
थोडासा lemon colour - पाव चमचा


कृती
मैद्यात (किंवा अर्धा मैदा आणि अर्धे गव्हाचे पीठ) मीठ घालून दूधाने चपातीला भिजवतो तसे पीठ भिजवून घ्यावे.भिजवताना दूधात थोडा पिवळा रंग टाकावा. पीठ भिजवून अर्धा एक तास झाकून ठेवावे.नंतर थोड़े तेल लावून चांगले मळून घ्यावे.

तुपावर रवा चांगला गुलाबीसर परतून घ्यावा.दूधपाणी उकळून घ्यावे.रवा भाजल्यावर त्यात घालावे.झाकण ठेवून एक वाफ काढावी.त्यात साखर व मीठ घालून पुन्हा एक वाफ काढावी.आवडत असल्यास वेलचीपुड घालावी.केशर थोड्या गरम दुधात घालावे.ते दूध शि॰यात घालावे आणि नीट मिक्स करावे.थोडा गरम असतानाच शिरा नीट मळून घ्यावा.
पिठाचे आणि शि॰याचे सारखे गोळे करून घ्यावे.(पिठाच्या गोळयाच्या साधारण तिप्पट शि॰याचा गोळा घ्यावा. )
तेलाचा हात घेऊन पिठाची मोदकाला करतो तशी वाटी करावी आणि त्यात शि॰याचा गोळा भरून बंद करावे.
तान्दळाच्या पिठावर सांजोरी लाटावी आणि तव्यावर खमंग भाजून घ्यावी।
साजुक तुपाबरोबर गरम गरम वाढावी.