होळीचा सण म्हणजे पुरणपोळी आणि कटाची आमटी हे समीकरण ठरलेलेच. हल्ली घरगुती तयार केलेल्या पोळ्या सगळीकडे विकत मिळतात.पण स्वतः पुरणपोळी करायची मज्जा काही औरच आहे.पुरणपोळी जमली की एक आनंद मिळतो तो वेगळाच असतो.
कव्हर साठी साहित्य
३/४ वाटी गव्हाचे पीठ
१ मोठा चमचा चण्याचे पीठ
कृती
दोन्ही पीठे मिक्स करून पाण्याने कणिक घट्ट भिजवावी.अर्धा तास झाकून ठेवावी.नंतर एका वाटीत १ चमचा पाणी ,१ टी स्पून मीठ, १ चमचा तेल एकत्र करावे आणि त्याने कणिक तिम्बावी (मूठीने मळावी) त्याचे ८-९ गोळे करावे.
पुरणासाठी साहित्य
१ वाटी चण्याची डाळ
२ वाट्या पाणी
वेलची पूड
कृती
पुरण करण्यासाठी १ वाटी चण्याची डाळ २ वाट्या पाण्यात कुकर मध्ये शिजत लावावी. गार झाल्यावर त्यात एक वाटी गूळ( किंवा अर्धी वाटी गूळ व अर्धी वाटी साखर) घालावी. हे मिश्रण मिक्सरमधून काढावे. हल्ली सगळयांकडे microwave असतो .मिक्सर मधले मिश्रण microwave safe bowl मधे काढावे.high वर प्रथम 3मिनिटे व नंतर ढवळून परत high वर २ मिनिटे ठेवा. परत वाटले तर अजून २ मिनिटे high वर ठेवा। साधारण कडेने सुके झाले तर थांबा. गार झाल्यावर ते चांगले होते. त्यात वेलाचीपूड घालावी.त्याचे साधारण ८-९ गोले करा .
पुरण पोळी करताना हाताला तेल लावून घ्यावे. पीठाच्या गोळ्याची मोदकाप्रमाणे खोलगट वाटी करून त्यात पुरणाचा गोळा भरावा. तोंड बंद करावे. पोलपाटावर तान्दलाच्या पीठिवर हलक्या हाताने पोळी लाटावी.(पोलपाटाला एक पातळ कपड़ा घट्ट बान्धावा)मीडियम flame वर तव्यावर शेकून घ्यावी.तव्यावर घालून एक बाजू आधी शेकावी मग दुसरी बाजू शेकून घ्यावी.एकदाच परतावी.
No comments:
Post a Comment