हा केक माझी आजी करायची.पण त्यावेळी ती कोळशाच्या शेगडीवर करायची.खाली आणि वरती झाकणावर सुद्धा ती पेटलेले निखारे ठेवायची त्यामुळे त्याची चव खूपच खमंग लागायची.हा केक oven मध्ये तसेच गैस वरही करता येतो.या केकला लागणारे पदार्थ अगदी नेहेमी घरात असणारे असल्यामुळे तो कधीही करता येतो.केकला लागणारे प्रमाण लक्षात ठेवायला खूपच सोपे आहे.
साहित्य
रवा-१ वाटी
साखर - १ वाटी
दूध-१ वाटी
घट्ट दही-१ वाटी
साजुक तूप-१ चमचा
baking powder किंवा soda bi कार्ब-१/२ चमचा
rose essence( optional)-१/२ चमचा
rose एस्सेंस च्या ऐवजी वेलची किंवा जायफल पूड़ घातली तरी चालेल.
चारोळी,बदाम,बेदाणे आवडीनुसार
कृती
एका भांड्यात प्रथम रवा,साखर,दही,दूध,तूप आणि soda असे क्रमाक्रमाने घालावे.त्यात इतर साहित्य घालावे. चांगले ढवळून ५ मिनिटे झाकून ठेवावे.नंतर हे मिश्रण केकच्या भांड्यात ओतावे.गैस वर ठेवावे. गैस मध्यम ठेवावा.वर झाकण ठेवावे.१० मिनिटानंतर गैस मंद करावा.केकच्या भांड्या खाली तापलेला तवा ठेवावा.आणि १५-२० मिनिटे केक शिजू द्यावा.नंतर मिश्रणात सुरी किंवा toothpick घालून केक झाला का ते पहावे.मग गैस बंद करावा.
